चिमुकल्या चाहत्याला पाहून राज ठाकरेही थांबले; लहानग्यानं बोबड्या भाषेत राज ठाकरेंचं थेट नाव घेतलं

राज ठाकरे पुण्यात दोन दिवसांच्या दौऱ्यावर आहेत, ते त्यांच्या राजमहाल या निवासस्थानावरून बाहेर निघताना त्यांना भेटण्यासाठी अनेकजण थांबले त्यातल्याच एका चाहत्याला पाहून राज ठाकरे पायरीवरच थांबले. हा चाहता अवघ्या तीन-चार वर्षांचा चिमुकला. हा चिमुकला राज ठाकरेंना भेटण्यासाठी आवर्जून वाट पाहत थांबला होता. राज ठाकरे दिसताचं त्यानं राज ठाकरेंना ओळखलं आणि आपल्या बोबड्या शब्दात हॅलो असं म्हटलं. हे पाहून सगळ्यांनाच हसू आवरलं नाही,. राज ठाकरेंनी या चिमुकल्याशी संवाद साधत त्याचं समाधान केलं. एवढच नाही तर या चिमुकल्यानं थेट राज ठाकरेंचं नाव घेत त्यांना ओळखल्याचं पटवून दिलं.